Sisikapin ni Department of Interior and Local Government o DILG Officer in Charge Eduardo Año na gawing pinakamahusay na ahensya ng gobyerno ang DILG.
Ayon kay Año, seryoso siyang linisin sa mga tiwali ang hanay ng pulisya, bumbero at jail guards.
Binigyang diin ni Año na sa ilalim ng kanyang panunungkulan ay nais niyang ilagay sa mas mataas na pamantayan ang Philippine National Police o PNP, Bureau of Fire Protection o BFP, at Bureau of Jail Management and Penology o BJMP.
Binigyang diin ni Año na ngayong nadoble na ang sahod ng mga pulis, bumbero at jail officers ay marapat lamang na doblehin ng mga ito ang kanilang pagsisikap sa tungkulin.
—-
