Handa na ang tinaguriang “Greatest Olympian of All Time” na si Michael Phelps na muling gumawa ng kasaysayan.
Sa pagkakataong ito ay hindi tao ang kakalabanin ng American swimmer, kundi higanteng pating.
Kumpirmadong makikipag-kompetensya ang trenta’y uno anyos na olympian sa isang “Great White Shark” sa Hulyo para sa Shark Week ng series ng Discovery Channel.
Susubukang basagin ng atleta ang limitasyon at kakayahan ng isang tao sa pakikipag-karera sa pinaka-mabangis na halimaw ng dagat.
Si Phelps ay may top speed na 6 miles per hour habang ang pating ay mayroong 25 miles per hour.
Hindi pa inilalabas ng Discovery ang magiging detalye ng makasaysayang aktibidad.
By Drew Nacino
