Mariing itinanggi ni Senador Tito Sotto ang alegasyon ni Senador Imee Marcos na kaya gusto nilang mabawi ang liderato ng Senado ay para maisulong ang Cha-cha para sa pagpapalawig ng termino ng mga nakaupo ngayon sa pamahalaan.
Ayon kay Sotto, tama si Senador Panfilo Lacson na ni minsan ay hindi napag-usapan ng minority ang Cha-cha.
Kwento ni Sotto, sa isang dinner kasama ang ilang golf friends at si House Speaker Faustino “Bodjie” Dy, nabanggit anya ni Speaker Dy ang ideya ng regional representation kung saan hindi niya sinabi na sang-ayon siya rito.
Hindi anya marunong makinig ang source ni Senador Marcos dahil mali ang pagkakaintindi nito.
Ayon kay Sotto, sinabi niya na kung magkakaroon ng amendment sa Konstitusyon, mas gusto niyang ibaba ang edad para sa mga tatakbo sa pagkapangulo at senador.
