Nailigtas na ng militar ang paring bihag ng Maute ISIS sa Marawi City na si Father Teresito “Chito” Suganob.
Batay sa Facebook post ni Presidential Adviser on the Peace Process Jesus Dureza, sinabi nitong nakakuha siya ng impormasyon mula kay dating Iligan City Mayor Franklin Quijano na kasama si Father Suganob sa dalawang na-rescue mula sa Bato Mosque alas 11:00 kagabi.
Gayunman, ayaw pa itong kumpirmahin ngayon ng militar dahil patuloy pa anila ang kanilang rescue operations sa main battle area.
Sa panayam naman ng DWIZ sinabi ni Marawi Crisis Management Committee Head Zia Lonto Adiong na nakatanggap din siya ng kaparehong impormasyon pero makabubuti pa rin anyang hinatyin ang opisyal na kumpirmasyon ng militar tungkol dito.
SMR: RPE
