Mainit na sinalubong ng mga tauhan ng Philippine Navy si Armed Forces of the Philippines (AFP) Chief of Staff, Gen. Andres Centino.
Ito’y sa kaniyang pagbisita sa Headquarters ng Philippine Fleet sa Naval Base Heracleo Alano sa Sangley Point, lalawigan ng Cavite.
Pinangunahan ni Navy Flag Officer in Command VAdm. Adeluis Bordado ang pagagawad ng Honorary Flag Rank Command-at-Sea at Command Naval Aviator’s badges kay Centino.
Kasabay nito, kinausap ng AFP Chief of Staff ang mga senior officer ng Navy na sinundan ng kaniyang Talk to Troops kasama ang iba’t ibang yunit ng Navy kabilang ang detachment nito sa Kalayaan Group of Islands.
Kasabay nito, pinapurihan ni Centino ang mga tauhan ng Navy na buong pusong naghatid ng tulong sa mga biktima ng kalamidad sa Palawan, Visayas at Mindanao. —sa ulat ni Jaymark Dagala (Patrol 9)
