Ipinagbawal na ang paglabas at pagpasok ng baboy at pork products sa 9 na bayan sa Isabela dahil sa African swine fever (ASF).
Kabilang sa mga bayang sakop ng lockdown ang Quezon, Quirino, Mallig, Aurora, Roxas, San Manuel, Gamu, Cordon, at Jones na pawang apektado ng ASF.
Maliban sa Cordon at Jones, ang mga naturang bayan ay malapit sa Tabuk City sa Kalinga Province na una nang nakapagtala ng ASF cases nuong Enero.
Sa kasalukuyan ay sinusuri na ng Provincial Veterinary Office ang mga babuyan sa barangay Pangal Sur at San Manuel sa bayan ng Echague, barangay Santos sa Quezon, at barangay Santiago sa Reina Mercedes.
