Inilagay na sa kontrol ng Commission on Elections (Comelec) ang anim na bayan sa Maguindanao at isang lungsod at Bayan sa Lanao del Sur.
Ito, ayon kay Comelec Chairman Saidamen Pangarungan, ay alinsunod sa rekomendasyon ng AFP at PNP, maging ni Regional Election Director Ray Sumalipao.
Kabilang sa mga isinailalim sa Comelec control ang mga bayan ng Buluan, Datu Odin Sinsuat, Datu Piang, Mangudadatu, Pandag at Sultan Kudarat sa Maguindanao.
Kasama rin ang Marawi City at bayan ng Maguing sa Lanao del Sur, bukod pa sa Tubaran at Malabang.
Nag-ugat ang desisyon sa pagkakasangkot ng mga pribadong armadong grupo, mga komunista, terorista at mga bandido sa ilang insidente ng karahasan.
