Dumating ang 57,000 doses ng COVID-19 vaccines sa Laguindingan Airport sa Misamis Oriental na ekslusibong gagamitin sa mga batang may edad lima hanggang labing isang taong gulang.
Ayon kay DOH-10 Assistant Director Dr. Ellenieta Gamolo, plano ng ahensya na maglunsad ng dalawang araw na pagbabakuna para sa mga bata kada linggo na magsisimula sa Pebrero a-14.
Dadag pa ng opisyal, bukod sa mga vaccination sites, magsasagawa rin ang DOH-10 ng vaccination roll-out para sa mga nasabing age group sa loob ng mga silid-aralan.
Samantala, pinapayuhan ng ahensya ang mga batang may comorbidities na kumunsulta muna sa kanilang pediatrician o attending physician bago mabakunahan. —sa panulat ni Kim Gomez
