Natagpuan na wala nang buhay ang isang anim na taong gulang na batang babae sa gilid ng ilog ng Isulan, Sultan Kudarat.
Ayon sa Sultan Kudarat Provincial Office, na dumalo umano sa birthday ng kanyang pinsan ang biktimang si Maria Luciana Dagohoy kasama ang kanyang ina sa Barangay Kulambat, Miyerkules ng gabi.
Dakong alas-8 ng gabi nang malamang nawawala ang bata at nadiskubre na lamang ang bangkay nito nang sumunod na araw.
Pahayag ni Police Lieutenant Col. Joel Fuerte, na naisailalim na sa autopsy ang katawan ng biktima at hinihintay na lamang nila ang resulta nito upang malaman kung ginahasa muna ang kaawa-awang biktima bago pinatay.
Hindi rin umano inaalis ng pulisya ang posibilidad na baka daw nalunod ang biktima na sya umanong naging dahilan ng kanyang kasawian.
Pero mariin umanong iginigiit ng pamilya na talagang nagkaroon ng panggagahasa sa nangyaring krimen lalo na’t nakababa ang pants at maraming pasa sa ulo ang biktima.