Natuloy ang taunang alumni homecoming ng Philippine Military Academy (PMA) ngayong araw.
Ito ay matapos na maipagpaliban noong nakaraang linggo dahil sa banta ng corona virus disease (COVID-19).
Gayunman, sinabi ni PMA Spokesperson Capt. Cherryl Tindog, napagpasiyahan ng pamunuan ng akademiya na gawin na munang pribado para sa mga kadete at alumni ang aktibidad.
Ayon kay Tindog, humihingi sila ng paumanhin at pang-unawa sa publiko dahil sa pasiya at iginiit na pangunahing layunin nito ay mapangalagaan ang kalusugan ng mga kadete.
Ito ang kauna-unahang pagkakataon na isinara sa publiko ang PMA Alumni Homecoming. — ulat mula kay Jaymark Dagala (Patrol 9)
