Patay ang 5 katao habang 33 iba pa ang sugatan matapos magsalpukan ang isang pampasaherong bus at closed van sa lalawigan ng Quezon.
Ayon kay Police Maj. Eric Villarete, hepe ng Pagbilao Police, kabilang sa mga sugatan ang mga driver ng dalawang sasakyan.
Sa inisyal na imbestigasyon, galing Bicol ang bus nang nakasalubong nito ang closed van sa New Diversion Road sa may bahagi ng barangay Silangang Malicboy sa bayan ng Pagbilao.
Pumasok umano ang van sa linya ng bus dahilan upang maganap ang malagim na aksidente.
