Inaasahang maisisilbi na sa loob ng linggong ito ang eviction notice sa hindi bababa sa 32 establisimiyento sa El Nido Palawan.
Ipinag-utos ni Department of Environment and Natural Resources o DENR Secretary Roy Cimatu ang pagpapalayas sa mga establisimiyento na natuklasang illegal ang pagkakatayo sa beach ng isang cove sa El Nido.
Una rito, natuklasan ng DENR na sa halos 300 establisimiyento sa El Nido, dalawa hanggang tatlo lamang ang sumusunod sa environmental regulations.
Kabilang sa mga nakitang paglabag ang kawalan ng environmental certificates, discharge permits, permit to operate at hazardous waste registrations.
—-
