Timbog ang apat kataong magkakamag-anak sa raid operations sa kanilang bahay sa Maguindanao dahil sa pagtatago ng loose firearms.
Nakilala ang mga suspek na sina Guiaman Loumbos, Ali Lumbos, Samsudin Lumbos at Digna Lumbos Dirangaren, pawang residente ng Brgy. Langkong sa bayan ng Matanog.
Narekober ng mga otoridad sa bahay ng mga suspek ang tatlumpung improvsed sniper rifle, dalawang M16 assault rifle, isang M14 rifle, isang M1 carbine rile, isang M16 armalite rifle, isang granada, mga bala at magazines.
Ang mga suspek na sinasabing miyembro ng isang armed lawless group na matagal nang minamanman ng mga otoridad ay nakakulong na sa lock up cell ng CIDG-BARMM at nahaharap sa kasong illegal possession of firearms and explosives.
