Patay ang 5 pasahero habang 21 naman ang sugatan sa aksidente ng isang bus sa katimugang bahagi ng Moscow, Russia.
Ayon sa Russian Federal Road Traffic Inspection, sakay ng naturang bus ang nasa 49 na pasahero kung saan, 2 dito ay menor de edad na patuloy pang nagpapagaling sa ospital.
Sa imbestigasyon ng Russian Authorities, posibleng tumama sa isang haligi sa tabi ng tulay ng riles ang naturang bus dahilan ng pagkasawi at pagkasugat ng mga pasahero.
Patuloy pang iniimbestigahan ng mga otoridad kung ano ang dahilan ng pagbangga ng bus. —sa panulat ni Angelica Doctolero