Inaprubahan ng Civil Service Commission ang pagbibigay ng hanggang limang araw na wellness leave para sa mga qualified officials at employees ng pamahalaan bilang suporta sa Mental Health Act.
Ayon kay CSC Chairperson Marilyn Barua-Yap, “proactive response” ang wellness leave sa realidad na kinakaharap ngayon ng mga manggagawa sa gobyerno.
Ipinaliwanag din ng CSC na iba sa mga umiiral na karapatan tulad ng vacation at sick leave ang WL na partikular na inilaan para sa pangangalaga ng mental health, para sa mga physical health activities, o sa simpleng pagpapahinga mula sa trabaho.
Maaaring gamitin ang WL nang hanggang tatlong magkakasunod na araw o kaya’y sa magkakahiwalay na araw sa isang taon.—sa panulat ni Mark Terrence Molave
