Naitala ang lagpas 45 hanggang 46 degrees Celsius na heat index sa ilang bahagi ng bansa kahapon.
Ayon sa Philippine Atmospheric Geophysical and Astronomical Services Administration o PAGASA, tatlong lugar ang nakapagtala ng pinakamataas na temperatura kahapon kabilang ang Tuguegarao City na umabot sa 38.6 degrees Celsius, Cabanatuan na nasa 37.7 degrees Celsius at San Jose Occidental Mindoro na nasa 37.5 degrees Celsius.
Gayunman ang heat index o init factor na naramdaman ng mga tao sa San Jose Occidental Mindoro ay pumalo sa 46.2 degrees Celsius, Dagupan na nasa 45.5 degrees Celsius habang nasa 45.3 degrees Celsius naman ang naitala sa Sangley Point sa Cavite.
Ngayong araw, sinabi ng PAGASA na asahan pa ring magpapatuloy ang mainit at maalinsangang panahon sa bansa.
—-