Tiklo ang apat na suspek matapos ikasa ng mga otoridad ang buy-bust operation sa Blk. 9 Tambakan, Baseco Compound, Brgy. 649 sa Port Area na sakop ng Maynila.
Kinilala ang mga suspek na sina Ryean Espinosa, 18-anyos; Robin Diaz, 24-anyos; Frances Jude Delmo, 26-anyos; at John Ferry Bayrante, 24-anyos.
Narekober sa mga suspek ang mga pinatuyong halamang marijuana na nasa loob ng mga plastic sachet at tumitimbang na P5,250 grams na nagkakahalaga ng P630,000.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002. — sa panulat ni Angelica Doctolero