Tatlong indibidwal ang nasawi matapos tumaob ang kanilang sinasakyang tourist boat sa Colta Lagoon, Central Ecuador.
Ayon sa mga otoridad, kabilang sa mga nasawi ang isang limang buwang gulang na sanggol, tatlong taong gulang na bata at isang 53-anyos na ginang.
Sinabi pa ng mga opisyal na nasa apatnapung pasahero ang nailigtas mula sa Colta Lagoon.
Patuloy namang iniimbestigahan ng mga otoridad ang dahilan ng pagtaob ng naturang bangka.
