Patay ang tatlong katao habang sugatan naman ang anim pa sa drone attack sa Abu Dhabi, UAE.
Inako ng mga Yemen Houthi Rebel ang naganap na pag-atake kung saan, target nilang pasabugin ang isang oil storage facility.
Ayon sa mga otoridad, tinamaan sa pag-atake ang tatlong oil tanker dahilan ng malakas na pagsabog na nagdulot ng magkakahiwalay na sunog sa Abu Dhabi international airport.
Kinilala ang mga nasawi na dalawang Indian national at isang Pakistani national habang inaalam pa ang pagkakakilanlan sa mga sugatan.
Sa ngayon, inaalam narin ng mga otoridad, kung ano ang motibo ng mga rebeldeng grupo sa kanilang pag-atake.—sa panulat ni Angelica Doctolero
