Arestado ang tatlong miyembro ng bandidong Abu Sayaf sa kasagsagan ng operasyon ng militar sa lalawigan ng Sulu noong isang linggo.
Kinilala ng WesMinCom o Western Mindanao Command ang mga naarestong sina Gafur Albani Absari, Medzfar Mangabong at Madjid Mangabong.
Ayon sa WesMinCom, nagsasagawa ng kanilang focused military operations ang kanilang tropa sa Patikul nang maaresto ang tatlo sa Barangay Maligay.
Agad na itinurn-over ang tatlong naaresto sa 501st brigade para sa proper disposition gayundin sa pagsasampa ng kaso sa mga ito sa pakikipag-ugnayan naman sa Sulu Provincial Police Office.
