Hinihintay na lamang ng Presidential Communications And Operations Office (PCOO) ang paliwanag ng tatlo sa mga kawani nito na sangkot sa mali-maling grammar sa ID ng Malacañan Press Corps.
Ito’y ayon kay PCOO Secretary Martin Andanar ay matapos padalhan ng show cause order ang tatlong kawani nito nuong isang linggo subalit wala pa ring sagot ang mga ito hanggang ngayon.
Kasunod nito, nanindigan si Andanar na hindi dumaan sa kaniya ang mga nilalaman ng naturang ID card na ginawa ng International Press Center (IPC) para sa anumang pagrepaso o di kaya’y approval dito.
Sinasabing mali rin ang ginamit na electronic signature ng IPC para sa kontrobersyal na ID card pero agad na itong ipinamahagi sa mga nagko-cover na mamamahayag o media sa palasyo.
