Patay ang 16 katao kabilang ang limang bata matapos tumaob ang sinasakyang nilang migrant boat sa Aegean Sea sa Greece.
Batay sa impormasyon mula sa opisyal ng coast guard, ang mga naturang migrants ay sumusubok na makarating sa isla ng Greece.
Tinatayang nasa 22 katao umano ang sakay ng bangka.
Hindi pa tukoy sa ngayon ang mga nationalities ng mga biktima.
Patuloy naman ang pagsasagawa ng mga otoridad ng search and rescue operations sa iba pang biktima ng nangyaring insidente.