Iginiit ni Budget Secretary Wendel Avisado na bahagya lamang ang nabawas sa proposed 2021 budget para sa tanggapan ni Vice President Leni Robredo.
Ayon kay Avisado, tanging essential lamang o mahahalagang pagkakagastusan ang sa ngayo’y kanilang hinahanap.
Ang nakita umano nilang kabawasan dito ay survey, research, exploration at development expenses.
Gayundin aniya ang travel expenses ng Office of the Vice President (OVP) ay nabawasan na gaya naman din umano sa ibang departamento.
Naglaan lamang ang Department of Budget and Management (DBM) ng P679-milyong pondo para sa OVP sa susunod na taon, mas mababa sa hinihingi nitong P720-milyong budget.
