June 2026

Tinutugunan na ng DFA o Department of Foreign Affairs ang isyu ng backlog sa passports.

Tiniyak ito sa DWIZ ni DFA Spokesman Assistant Secretary Charles Jose kaya nga’t pinalalawig nila ang validity ng mga papa-expire na pasaporte.

Bahagi ng panayam kay Asec. Jose

Isinisi naman sa naluma nang teknolohiya at mga makina ang backlog sa pag-isyu ng pasaporte.

Ayon kay Undersecretary Charles Jose, marami na sa mga makina ang sirain at hindi na rin kayang habulin ng kasalukuyang teknolohiya ang dami ng prinoprosesong pasaporte.

Inamin ni Jose na inaabot na ngayon ng 45 araw ang dati rati ay dalawang linggo bago ma-release ang pasaporte.

Sinabi ni Jose na ang delay sa pagpapalabas ng mga pasaporte ay bahagi na rin ng transition para sa pagpapalit nila ng teknolohiya at mga makina sa susunod na taon.

“Kaya nga po starting next year ay gagamit na tayo ng bagong e-passport technology system, part na po ‘yan ng transition na ‘yan and dahil luma na din yung mga machines na ginagamit natin.” Ani Jose.

Ipinaliwanag ni Jose na bibigyan ng prayoridad sa pagre-release ng pasaport ang mga matindi ang pangangailangang makaalis agad ng bansa.

Tinukoy ni Jose ang mga OFW na mayroon nang kontrata, magpapagamot sa ibayong dagat at iba pang emergency.

Maliban sa bukas na ang DFA kahit weekends at nagdagdag na rin sila ng tauhan, ini-eextend na rin ang validity ng pasaporte ng hanggang dalawang taon.

“Mga 40,000 po ‘yung hinahabol naming backlog, may mga instances po na nagbibigay ng prority tulad po ng mga OFW kung may mga signed and valid contracts na po sila and plane ticket, for medical reasons po kung magpapagamot po kayo sa abroad, and finally kung meron kayong kamag-anak na namatay sa abroad at kailangan niyong puntahan, let’s say mag-eexpire na ‘yung passport niyo, mag-aapply po kayo for a new passport, and at the same time, ‘yung mag-eexpire niyong passport ay ie-extend and validity.” Pahayag ni Jose.

By Judith Larino | Len Aguirre | Kasangga Mo Ang Langit  

Nilinaw ni Dr. Anthony Leachon ng Philippine College of Physicians ang posisyon ng medical community hinggil sa Medical Marijuana Bill.

Kasunod na rin ito nang pagsuporta ng Catholic Bishops’ Conference of the Philippines (CBCP) sa nasabing panukala bagamat para lamang sa mga malalang sakit o yung mga terminally ill.

Sinabi sa DWIZ ni Leachon na trabaho na ng FDA o Food and Drug Administration ang pagtukoy sa isang rehistradong gamot sa anumang sakit.

Bahagi ng panayam kay Dr. Leachon

Tutol din ang Phillipine College of Physicians o PCP na magkaroon pa ng batas sa paggamit ng marijuana bilang gamot.

Ayon kay Leachon mayroon nang umiiral na panuntunan ang estado sa compassion medicine kaya’t hindi na kailangan ang panibagong batas hinggil dito.

Ipinaliwanag ni Leachon na masyadong maaga para gumawa ng batas sa medical marijuana dahil wala pa namang pag-aaral na talagang nakakagamot ito.

Sa ngayon aniya, ang tanging napatunayan ng marijuana ay puede itong maka-relieve ng sakit subalit hindi pa tiyak kung ito ay nakakagamot.

Bahagi ng panayam kay Dr. Leachon

CBCP

Suportado nga ng CBCP o Catholic Bishops’ Conference of the Philippines ang medical marijuana bill o paggamit ng marijuana para ipanggamot sa mga sakit.

Gayunman, binigyang diin ni Lingayen Dagupan Archbishop Socrates Villegas, Pangulo ng CBCP na “morally irresponsible” na payagan ang paggamit ng marijuana o iba pang narcotic drug nang hindi ipinapayo ng mga doktor para makagaling sa mga may malalang sakit o terminally ill.

Iginiit ni Villegas na higit na mali ang gamitin lamang sa recreational o leisure purposes ang marijuana.

Nagpahayag din ng reservation ang CBCP sa mga panukalang magdadala ng access sa publiko ng marijuana o iba pang narcotic drugs sa publiko dahil sa delikado ito sa kalusugan lalo na’t naabuso.

Sinabi ni Villegas na dapat maging mapagbantay ang gobyerno at huwag palusutin ang anumang panukalang magbibigay ng access para maabuso ang mga ganitong uri ng droga.

By Judith Larino | Len Aguirre | Ratsada Balita 

Photo grabbed from: nyulocal.com

Sumakabilang buhay na ang kilalang manghuhula na si Renato ‘Rene’ Mariano matapos itong atakihin sa puso noong Sabado, August 15.

Si Mariano o mas kilala bilang Tito Rene ay host ng programang Hiwaga, Himala at mga Panaginip na naririnig sa DWIZ tuwing Lunes hanggang Biyernes, alas-9:00 hanggang alas-10:00 ng gabi.

Si Tito Rene ay una na ring napanuod sa iba’t ibang programa sa telebisyon partikular sa mga shows na tampok ang tinaguriang Queen of Intrigues na si Inday Badiday noong Dekada 80.

Ang labi ni Tito Rene ay nakalagak sa Florissant Chapel sa Rizal Funeral Homes sa Cementia St., Libertad, Pasay City.

Hindi pa mabatid kung kailan ang paghahatid kay Tito Rene sa huling hantungan, itinakda naman sa Pandayan, Bulacan ang paghihimlay dito.

By Judith Larino  

53-29-19-51-26-33 (No Winner)
In any order
Jackpot Prize: Php 153,038,516.00