Nakatanggap ng P2.7 milyong piso na halaga ng donasyon ang Philippine Drug Enforcement Agency (PDEA), mula sa Asia Pacific Information and Coordinationg Center for Combatting Drug Crimes.
Ayon kay PDEA Director General Arturo Cacdac, layunin ng donasyon na mapalakas ang kampanya ng rehiyon, laban sa iligal na droga.
Kabilang sa mga gamit na mula sa International Anti – Drug Group ay ang mga surveillance kit, laptops, camera, voice recorder at motorsiklo.
By Katrina Valle | Jonathan Andal
Mahigpit na tinututukan ngayon ng Armed Forces of the Philippines o AFP ang ginagawang pangingikil ng rebeldeng New People’s Army o NPA.
Ayon sa report, kinukotongan umano ng mga rebelde ang mga tumatakbong gobernador, bise gobernador at kongresista sa mga lalawigan.
Naglalaro ito mula tatlo hanggang limandang libong piso kada isang kandidato kung saan habang isa hanggang dalawandaang libong piso naman para sa mga tumatakbong alkalde at bise alkalde.
Binansagan ang modus na permit to campaign, permit to win kung saan, inoobliga umano ng mga rebelde ang mga pulitiko na magbayad kapalit ang proteksyon at upang hindi maglunsad ng pananabotahe sa mga lugar na kanilang papasukin para makapangampaniya na may halong pagbabanta.
By Jaymark Dagala
Isinailalim na sa state of calamity ang probinsya ng Isabela matapos na umabot sa higit sa P700 milyong piso ang nasirang pananim na mais.
Ayon kay Governor Faustino Dy, kailangan ng tulong ng provincial government upang matulungan ang mga magsasakang makabangon sa hagupit ng El Niño.
Sinabi naman ni Isabela Provincial Agriculturist Danilo Tumamao, posibleng umabot pa sa P1 bilyong piso ang halaga ng pinsala sa pananim.
Mula sa 34 na mga bayan, 23 na sa mga ito at dalawang syudad ang apektado na ng matinding tag-init.
By Rianne Briones
Iginiit ng Metropolitan Manila Development Authority (MMDA) na dapat kanselahin at hindi suspindihin lang ang prangkisa ng Valisno Express Bus.
Ayon kay MMDA Chairman Francis Tolentino, nakapalaki ng pananagutan ng operator ng mga pampublikong sasakyan sa kaligtasan ng mga pasahero kaya nararapat lamang na mataas na parusa ang ipataw.
Aniya, wala ring karapatang magmaneho ang mga tsuper na lulong sa iligal na droga.
Miyerkules nang sumalpok ang Valisno Bus sa isang konkretong poste sa Quirino Highway kung saan 4 ang nasawi at halos 20 ang sugatan.
By Rianne Briones
Positibo ang feedback ng ilang pasaherong nakasubok ng beep cards na sinimulang gamitin kahapon sa southbound stations ng Light Rail Transit (LRT) Line 1.
Batay sa mga post sa social networking sites ng mga nakagamit ng beep cards, tila nasa Singapore ang kanilang pakiramdam sa bagong ticketing system at nais din anilang magamit ang beep cards sa mga bus sa bansa tulad naman sa Dubai.
Ang public trial ay isinagawa sa Roosevelt hanggang Baclaran station ng LRT Line 1 matapos ang positibong resulta sa public trial ng beep cards sa LRT Line 2 noong Hulyo.
By Judith Larino
22-12-09-37-35-01 (No Winner)
In any order
Jackpot Prize: Php 30 Million
11-29-19-37-39-41 (No Winner)
In any order
Jackpot Prize: Php 26,830,996.00
Lumagda na ang 14 na senador para kuwestyunin ang substitute bill ng kapwa senador na si Ferdinand “Bongbong” Marcos sa orihinal na BBL o Bangsamoro Basic Law.
Sinabi ni Marcos na inaasahan na niyang maraming senador ang mag-iinterpellate sa kanila at kung mayroon man aniyang malaking depekto sa kanilang substitute bill, may panahon pa para palitan o amyendahan ang mga ito.
Bilang chairman ng Senate Committee on the Local Government, pinangunahan ni Marcos ang pag-review sa BBL version na isinusulong ng Malacañang kung saan ang bahagi ay maituturing na unconstitutional.
By Judith Larino
Alamin natin ang kahalagahan ng breastfeeding sa mga sanggol.
Tiwala si Gilas Pilipinas Coach Tab Baldwin na magiging maganda ang resulta ng mga laro ng koponan sa Europa.
Ngayong araw na ito inaasahang tutulak pa northern Europe ang Gilas Pilipinas para sa tatlong laban sa Iceland, Estonia at Netherlands.
Sinabi ni Baldwin na kailangan ng Gilas na maging maganda ang resulta ng dalawang laro nila lalo na’t hindi naman inaasahan na malakas ang team Iceland.
Gayunman, inamin ni Baldwin na magpapakita ng lakas ang mga koponan ng Estonia at Netherlands dahil sa malalaking players ng mga ito.
Inihayag ni Baldwin na itatapat nila sa mga malalaking players ng ibang koponan sina Asi Taulava at Sonny Thoss dahil wala sa team sina Junmar Fajardo at Marc Pingris.
By Judith Larino