Kinumpirma ni AFP Western Mindanao Command Spokesman Major Filemon Tan na dalawa pang miyembro ng Abu Sayyaf Group ang napatay sa patuloy na operasyon ng militar sa barangay Pugad Manaul, Panamao, Sulu.
Kinilala ang isa sa mga nasawing bandido na si alias Dadis na nasa ilalim ni ASG sub leader Alhabsy Misaya.
Isang sundalo naman ang napaulat na nasugatan sa bakbakan.
Magugunitang napatay ng mga awtoridad ang Muktadil Brothers – sina Nixon at Brown sa bakbakan din sa Sulu kahapon.
Sa tuluy-tuloy na sagupaan, nagpadala na ng air support o mga aircraft ang militar doon para tulungan ang mga sundalo.
By Judith Larino | Jonathan Andal (Patrol 31)
