Inirekumenda ng mga senador na ipa-cite for contempt ang mga negosyanteng sina Richard Tan at Manny Li.
Ito’y ayon kay Senador Panfilo Lacson ay dahil sa mailap ang mga ito na ibunyag kung sino ang nasa likod ng pagkakapuslit ng mahigit P6-B halaga ng shabu sa Bureau of Customs (BOC).
Dahil dito, sinabi ni Senate Blue Ribbon Committee Chairman Richard Gordon na gagawa siya ng report upang paaprubahan kay Senate President Koko Pimentel bilang naaprubahan na ito ng komite.
Kasunod nito, sinabi ni Gordon na sa senado na lamang ipipiit ang dalawa sa halip na sa Pasay City Philippine National Police (PNP) at mananatili sila doon hangga’t hindi nagsasabi ng buong katotohanan.
