Dalawang meteor shower events ang inaasahang masasaksihan sa bansa ngayong Abril.
Ayon sa Philippine Atmospheric, Geophysical and Astronomical Services Administration (PAGASA), masisilayan ang Lyrids meteor shower mula Abril 16 hanggang 25, at inaasahan ang peak nito sa Abril 22.
Makikita sa kalangitan ang pag-ulan ng 18 bulalakaw kada oras bago ang madaling araw.
Simula Abril 15 hanggang 28 naman masasaksihan ang π-puppids, kung saan inaasahang sa Abril 24 ang peak nito.
Sinabi naman ng PAGASA na hindi na kinakailangan pa ang telescopes at binoculars upang mapanood ang naturang meteor shower events.
