176 na bangkay ng mga Persons Deprived of Liberty (PDLs) mula sa New Bilibid Prison ang naipon sa isang punerarya sa Eastern Funeral Homes, Alabang, Muntinlupa simula noong December 2021.
Ayon kay Charlie Bucani, manager ng punenarya, natambak ang mga bangkay dahil walang kamag-anak na kumukuha.
Umabot din aniya sa 50 ang tinanggap nilang bangkay noong Oktubre lamang kabilang ang umano’y ‘middleman sa pagpatay kay Percy Lapid.
Samantala, pinaiimbestigahan na ni justice secretary Jesus Crispin Remulla sa PNP ang mga nasabing bangkay para malaman ang dahilan ng kanilang pagkamatay. —mula sa panulat ni Jenn Patrolla
