Trending ngayon sa social media ang teaser ng TV series sa Amerika na “Madam Secretary” ng CBS Corporation.
Ito’y makaraang ipakita ang ginawang panununtok ng US Secretary of State na si Dr. Elizabeth Mccord sa Pangulo ng Pilipinas na pinangalanang si Datu Andrada matapos umano siyang bastusin nito.
Ginampanan ng aktor na si Joel Dela Fuente ang papel ni Andrada habang si Tea Leoni naman ang gumaganap bilang Secretrary Mccord.
Bagama’t nakatakda pa lamang ipalabas ang nasabing episode sa araw ng linggo sa Amerika, inalmahan agad ito ng mga Pilipinong naninirahan duon maging ng mga netizens.
Pinagpapaliwanag na rin ng Embahada ng Pilipinas sa Amerika ang CBS hinggil sa anila’y paglapastangan sa tanggapan ng Pangulo ng Pilipinas.
By: Jaymark Dagala
