Nailigtas ng mga kawani ng National Bureau of Investigation o NBI ang 13 kabataan na ginagamit sa child pornography sa Dasmariñas, Cavite.
Nahuli rin sa operasyon ng Anti – Human Trafficking Division ang magkapatid na suspek na sina Elvie at Arlene Aringgo na sinasabing nakikipag transaksyon sa mga dayuhan.
Ikinasa ang operasyon matapos makatanggap ng impormasyon ang NBI mula sa US Homeland Security na nagsasabing mayroong isang residente mula sa Dasmariñas, Cavite ang nag aalok ng serbisyong sexual sa mga dayuhan at ipinadadaan sa remittance center ang bayad.
Nahaharap sa kasong paglabag sa Anti – Trafficking in Persons Act at Child Pornography ang magkapatid.
By Katrina Valle |With Report from Aya Yupangco
