Tukoy na ng Bangladesh government ang 20 mga dayuhang suspek sa pagnanakaw sa higit 100 milyong dolyar mula sa Bangladesh Central Bank.
Ayon kay Mohammad Shah Alam, Senior Officer ng Criminal Investigation Department ng Bangladesh Police, 12 mga Pilipino at 8 Sri Lankan ang mga suspek sa sinasabing pinakamalaking pagnanakaw sa kasaysayan.
Bagama’t hindi pinangalanan ay sinabi ni alam na pawang mga tumatanggap ng pera ang nasa listahan at hindi pa mismo ang mga hacker.
Malaki aniya ang naitulong ng Interpol para matukoy ang personalidad sa naturang kontrobersya.
Sinabi pa ng naturang Bangladesh police official na walang ebidensya na nagtuturo na may involvement ang mga nasa loob ng Bangladesh Bank bagkus ay nakatutok ang kanilang imbestisyon sa service provider ng computer system ng bangko.
By Rianne Briones
