12 kilo ng Marijuana ang nakuha ng mga otoridad sa magkakahiwalay na operasyon sa Quezon City kagabi.
Unang nahuli ang dalawang lalaki sa Brgy Immaculate Concepcion sa Cubao kung saan nakuha ang dalawang kilo ng marijuana.
Agad naman nilang itinuro ang pinagkukunan nila ng iligal na droga na kaagad namang nilusob ng mga pulis.
Naaresto sa isinagawang follow up operation ang tatlong suspek sa Congressional Avenue at Gabriela Silang.
Nakuha sa mga ito ang sampung kilo ng marijuana na may street value na 300,000 pesos.
