Pumapalo sa halos P900 million ang inilaang budget ngayong taon sa Philippine Children’s Medical Center (PCMC).
Ayon kay Senador Sonny Angara, Chairman Ng Senate Committee on Finance, malaking bahagi ng pondo ay gagamiting pambili ng mga bagong hospital equipment, pagtatayo ng pediatric rehabilitation center at tulong sa indigent patients.
Dahil sapat ang budget ng PCMC sinabi ni Angara na ang mga batang may cancer ay mabibigyan ng libreng chemotherapy sa loob ng isang taon bukod pa sa mas maraming ma a accommodate na mga batang nangangailangan ng heart surgery.
Makakatulong aniya ang itatayong pediatric rehabilitation para mabigyan ng medical attention ang mga bata na may neurological disorders, spinal cord injuries at musculo skelatal condition na nakakaapekto sa growth and development ng bata.
Ang PCMC ay isa sa mga specialty hospital sa ilalim ng Department of Health (DOH). —ulat mula kay Cely Ortega-Bueno (Patrol 19)