Patay ang labing isang (11) miyembro ng BIFF o Bangsamoro Islamic Freedom Fighters sa airstrikes ng militar sa dalawang village sa Datu Salibo sa Maguindanao.
Ayon kay Capt. Ervin Encinas, Spokesman ng 6th Infantry Division ng Philippine Army, target ng opensiba ang isang Kumander Bungos ng BIFF at tatlong (3) dayuhang terorista.
Kabilang dito si Senior Jemaah Islamiah member at kilalang bomber na si Mohammad Ali alias Muawiyah.
Sinabi ni Encinas na marami ring miyembro ng BIFF ang sugatan sa operasyon sa mga barangay ng Andavit at Tee na umanoy pinagkakampuhan na ng grupo ni Kumander Bungos.
Dahil sa operasyon, tatlong daang (300) pamilya ang napuwersang mag-evacuate.
By Judith Larino
