Umaabot na sa labing-apat ang patay makaraang sumalpok sa poste ng kuryente ang isang tourist bus sa Barangay Sampaloc, Tanay, Rizal.
Sakay ng Panda Choach Bus na may plate number na TXS-325 ang 58 na mga estudyante mula sa Bestlink College mula sa Novaliches, Quezon City.
Ayon kay Don Malonzo ng PDRRMO-Rizal, magca-camping ang mga estudyante nang bumangga ang bus sa isang poste ng Meralco sa bahagi ng Peligrino Farm, Sitio Bayukan.
Posibleng nawalan ng preno ang naturang dahil pababa ang kalsada.
Dinala na ang iba pang nasugatang biktima sa Rizal Provincial Hospital sa Morong at Tanay General Hospital.
By Meann Tanbio | With Report from Jonathan Andal (Patrol 31)
