Pinalaya na ang isa sa apat na pulis na nahuli sa entrapment operation sa Antipolo City matapos magtangkang kotongan ang isang PWD o Person With Disability.
Ayon kay Chief Insp. Jewel Nicanor, tagapagsalita ng PNP Counter Intelligence Task Force, pinakawalan si SPO1 Ginnie San Antonio dahil sa kawalan ng ebidensya at hindi rin siya kasama sa itinuro ng complainant.
Kinasuhan naman sina PO1 Alejo de Guzman; PO2 Randolf Opeñano at PO2 Erwin Fernandez habang patuloy na tinutugis ang tatlong iba pang pulis na miyembro ng station drug enforcement team ng Antipolo PNP.
Inaresto nitong Lunes ang apat na pulis Antipolo matapos ireklamo ng pangingikil ng 50000 piso kapalit ng pagpapababa sa kasong droga ng PWD na si Joseph Delos Santos.
By: Meann Tanbio
1 sa 4 na pulis na nahuli sa entrapment sa pangingikil sa isang PWD pinalaya was last modified: July 25th, 2017 by DWIZ 882