Arestado ang isang 16 anyos na lalaking estudyante sa isang buy bust operation sa Davao.
Ayon kay San Pedro Police Deputy Station Commander Police Senior Inspector Ricky Fornolles, nakuha noong Lunes ng gabi ang ilang sachet ng shabu at P500 marked money mula kay Prince na matagal na aniyang minamanmanan ng mga pulis.
Sinabi ni Fornolles na sa Santa Ana kumukuha ng iligal droga si Prince at ibinibenta sa San Pedro, Roxas, at Claveria.
Umamin ang nasabing menor de edad na gumagamit ng ipinagbabawal na gamot.
Bukod sa pagtutulak ng iligal na droga, mayroon din umanong apat na kaso ng pagnanakaw si Prince na ngayo’y nasa kustodiya ng mga pulis.
By: Avee Devierte
