Isang lungsod at pitong bayan sa Bulacan ang tinukoy bilang “Areas of Concern” para sa May 9 elections.
Ayon kay Region 3 police director brigadier general Matthew Baccay, ang San Jose Del Monte City at Baliwag Town ay kasama sa tatlong lungsod at labing apat na bayan sa central luzon na nakalista sa ilalim ng “Intermediate Areas of Concern” dahil sa election related incidents at intense political rivalries.
Kabilang aniya rito ang bayan ng Marilao, Guiguinto, San Miguel, San Rafael, Doña Remedios Trinidad at San Ildefonso kasama ang 23 bayan at lungsod sa Central Luzon.
Pero sinabi ni Baccay na ang mga kwalipikasyong ito ay hindi ibig sabihin na mayroong nangyayaring karahasan sa mga naturang lugar ngunit ito ay para sa pre-emptive purposes at precautionary measures.
