Isang positibong indikasyon ang buwena manong Survey sa Trust Rating ni Pangulong Rodrigo Duterte.
Sinabi ni Presidential Communications Secretary Martin Andanar, nakatutuwang malaman na nagtitiwala ang publiko sa desisyon at mga aksiyon ng bagong Pangulo.
Binigyang-diin ni Andanar na malinaw ang mandato ni Pangulong Duterte at hindi titigil ang gobyerno sa mga nasimulang pagbabago para sa mamamayan at para sa bansa.
Samantala, sinabi naman ni Presidential Spokesman Ernesto Abella na wala pang komento ang Pangulo pero dahil kilala niya ito, tiyak na ang isasagot ay “trabaho lang yan at ituloy ang mga dapat gawin.”
By: Avee Devierte
