Labing lima (15) ang naitalang sugatan sa salpukan ng dalawang bus sa harap ng isang malaking mall sa Parañaque City.
Kabilang sa mga nasugatan ang apat na batang sakay ng mga sangkot na sasakyan na agad dinala sa San Juan de Dios at Pasay General Hospital.
Batay sa paunang imbestigasyon, nawalan umano ng kontrol ang tsuper ng AAB bus habang bumabagtas sa Coastal Road.
Ngunit ayon naman sa mga pasahero ng naturang bus, mabilis umanon pinatatakbo ng tsuper ang sasakyan kaya ito sumalpok sa nakaparadang MJ Transport Bus.
Wala pang pahayag ang tsuper ng nakabanggang bus hinggil sa naturang insidente.
By Jaymark Dagala | Jopel Pelenio (Patrol 17)
