Pang-apat ang Pilipinas sa mga bansang malimit tamaan ng kalamidad.
Ito ay base sa 2015 report ng United Nations Office for Disaster Risk Reduction o UNISDR.
Ayon sa report, itinuturing na most disaster-prone country ang China na nakaranas ng 26 disaster o kalamidad.
Pangalawa ang Estados Unidos na may 22, at pangatlo ang India, 19.
Habang ang Pilipinas ay nasa pang-apat na puwesto na nakapagtala ng 15 kalamidad samantalang pang-lima ang Indonesia, 11.
Lumabas din sa report ng UNISDR na ang pagbaha ang nagdulot ng pinakamalaking pinsala noong 2015 na nagresulta sa pagkamatay ng 3,310 katao at 27.5-milyon ang naapektuhan.
By Meann Tanbio