Kinasuhan na Volunteers Against Crime and Corruption (VACC) ng usurpation of authority, si dating Philippine National Police (PNP) Chief Dir. Gen. Allan Purisima.
Ayon kay VACC Chairman Dante Jimenez, ito ay kaugnay sa pag-uutos ni Purisima ng operasyon sa Mamasapano, na ikinasawi ng 44 na Special Action Force commando kahit suspendido siya.
Binigyang diin ni Jimenez na kailangang managot si Purisima sa nangyari sa mga commando.
Samantala, sinabi din ni Jimenez na kanilang kakasuhan ng reckless imprudence resulting to multiple homicide ang Pangulong Benigno Aquino III kapag natapos na ang termino nito sa Hulyo.
Immunity
Maghihintay pa hanggang July 1 ang VACC o Volunteers Against Crime and Corruption bago makasuhan ang Pangulong Noynoy Aquino sa isyu ng Mamasapano encounter.
Sinabi ng VACC na hindi pa nila makasuhan si PNoy ngayon dahil nasa puwesto pa ito at mayr0ong presidential immunity.
Gayunman, tiniyak ng VACC na mapapanagot nila si PNoy na anito’y promotor at mastermind sa Mamasapano incident.
Sa ngayon anila ay patuloy ang pangangalap ng kanilang mga abogadong sina Atty. Pete Principe at Atty. Ferdinand Topacio ng mga ebidensya para madiin si PNoy ang naturang insidente na ikinasawi ng 44 na SAF troopers.
By Katrina Valle | Judith Larino | Jill Resontoc (Patrol 7)
