Sugatan ang nasa 25 kabataan matapos bumaligtad ang sinasakyan nilang jeep sa Quezon Province.
Sa imbestigasyon, binabagtas ng driver ang national highway sa barangay Abuyon, San Narciso sakay ang 26 na mga kabataan mula sa iba’t-ibang youth organization at sangguniang kabataan ng Buenavista galing sa bayan ng Catanauan, Quezon nang mawalan ito ng preno at sumalpok sa barrier ng highway at dumiretso sa mababaw na bahagi ng bangin saka bumaliktad.
Ayon sa mga otoridad, tatlo sa mga biktima ay nagtamo ng bone fracture habang minor injury naman ang natamo ng iba pa na ngayon ay patuloy na nagpapagaling sa municipal hospital ng San Narciso, Lucena City at Gumaca District Hospital.
Patuloy pang iniimbestigahan ng mga otoridad ang nangyaring insidente. —sa panulat ni Angelica Doctolero
