Naglunsad na ang pamahalaan ng Uganda ng emergency food distribution sa rehiyon ng Karamoja matapos masawi ang labing siyam na indibidwal dahil sa gutom dulot ng matinding tagtuyot.
Ayon sa mga otoridad, mahigit isang milyon limandaang libong residente ang nahaharap sa matinding kakulangan sa pagkain matapos masira ang mga pananim dahil sa kakulangan ng ulan.
Ipamamahagi ng Ugandan Government ang halos sampung libong metriko tonelada ng food relief sa loob ng susunod na dalawang buwan gamit ang emergency fund na inaprubahan ng kanilang kongreso.
Lumalala rin ang kaso ng malnutrisyon sa nasabing rehiyon, lalo na sa mga bata, habang idineklara ng Famine Early Warning Systems Network na nasa antas na ng krisis ang sitwasyon sa Karamoja, Uganda. | mula sa panulat ni Jordan Gutierrez
