Hinatulan ng labingwalong buwan ng pagkakakulong na sinuspinde sa loob ng tatlong taon si dating South Korean President Yoon Suk Yeol (Yoon Sok Yol) matapos mapatunayang lumabag election law dahil sa mga maling pahayag noong 2022 Presidential Campaign.
Natuklasan ng Seoul Central District Court na nagsinungaling si yoon nang itanggi niyang ipinakilala niya ang isang abogado sa isang dating tax official, at iginiit niyang hindi pa nila nakikilala ng kanyang asawa ang shaman na si Jeon Seong-Bae (Jon Song Beh).
Naging kontrobersiyal ang pakikipag-ugnayan ni Yoon at Jeon (Jon) dahil sa umano’y influence-peddling at panunuhol o bribery.
Kung mapagtitibay ang sentensya sa pamamagitan ng apela, maaaring mapilitan ang people power party ni Yoon na isauli sa pamahalaan ang thirty-nine point seven billion won o katumbas ng humigit-kumulang one point six billion pesos.
Ibinalik sa kanila ng National Election Commission ang nasabing halaga bilang kabayaran sa mga ginastos sa kampanya matapos ang kanyang pagkapanalo sa halalan noong 2022. | mula sa panulat ni Reianne Antiquina
