Negatibo sa gunpowder residue ang personnel ng Philippine Marine Corps na naka-deploy sa gitna ng pamamaril sa Senado noong Mayo 13.
Ayon kay Philippine Navy spokesperson Capt. Marissa Martinez, wala sa kanila ang nagpaputok ng kanilang mga armas.
Dagdag pa niya, nag-negative ang mga sundalo sa paraffin test. Pahiwatig anya ito na hindi sila direktang lumahok sa insidente ng pamamaril.
Nakaposisyon ang mga Marines sa perimeter ng Senado bilang bahagi ng isang security at escort deployment sa ilalim ng mga tagubilin mula sa Office of the Senate Sergeant-at-Arms (OSAA).
