Kinuwestyon ng grupong Samahang Industriya ng Agrikultura o SINAG ang desisyon ng gobyerno na itaas ang minimum access volume para sa pork imports sa 204,000 mula sa 54,000 metric tons.
Ayon kay Rosendo So, wala namang supply shortage o price increase na pinagbatayan ng pagtaas ng import quota.
Sa katunayan, aniya, ay nananatili ang volume ng local pork production kumpara noong isang taon habang patuloy na tumataas ang import volume.
Ipinunto ni Ka Sendong na bumababa na rin ang presyo ng baboy kumpara noong 2025 batay sa datos ng Philippine Statistics Authority noong Abril.
Binigyang-diin ng taga-pangulo ng SINAG na dapat nagkaroon ng konsultasyon sa stakeholders bago ipatupad ang mas mataas na quota.—sa panulat ni Anjo Riñon
