Aabot sa 118 armas ang naka-rehistro sa pangalan ni Senador Ronald ‘Bato’ dela Rosa.
Batay ito sa dokumentong hawak ng Firearms and Explosives Division ng Philippine National Police-Civil Security Group.
Sa kabila ito ng pagkontra ni Jimmy Bondoc, abogado ni Dela Rosa, sa pahayag ni Melvin Matibag na itinuturing na “armed and dangerous” ang senador.
Ilan sa mga pag-aari ni Senator Dela Rosa ang nasa tatlong dosenang rifles, samu’t saring pistol at revolver.
Kasalukuyang tinutugis ang mambabatas bunsod ng arrest warrant ng International Criminal Court laban sa kanya dahil sa mga kasong may kaugnayan sa war on drugs ng administrasyon ni Rodrigo Duterte.
