Mariing itinanggi ni Senador Robin Padilla ang akusasyong itinakas niya si Senador Ronald “Bato” dela Rosa mula sa Senado noong Huwebes, May 14, ng madaling-araw.
Ayon kay Sen. Padilla, maayos silang lumabas ng gusali sa harap ng maraming pulis, security personnel, at CCTV cameras.
Anya, nanatili siya sa Senado ng tatlong araw upang samahan si dela Rosa matapos tumaas ang tensiyon sa Senado dahil sa mga usap-usapang leadership change at posibleng impeachment.
Dagdag pa ng senador, nakausap ni Sen. dela Rosa sina Jonvic Remulla at Jose Melencio Nartatez Jr., at tiniyak umano ng mga ito na seguridad lamang ang kanilang pakay at hindi pag-aresto.
Binigyang-diin din ni Padilla na walang ipinakitang warrant of arrest laban kay dela Rosa kaya wala umano silang dahilan upang “tumakas,” at isinabay lamang anya si dela Rosa pauwi dahil wala itong sariling sasakyan sa Senado.—sa panulat ni Reabelle Medina
